Зеленский Украина ҳудудига хориж қўшинлари киришига рухсат берувчи қонунни имзолади

Украина ҳудудида 32 минг нафар ҳарбий иштирокида саккизта ўқув машғулоти ўтказиш кўзда тутилмоқда.

Фото: ukrinform.ru

Украина президенти Владимир Зеленский 2021 йилда кўпмиллатли ўқув машғулотларида қатнашиш учун мамлакат ҳудудида хориж қўшинлари киришига рухсат берувчи қонунга имзо чекди. Бу ҳақда унинг матбуот хизмати маълум қилди.

Украина ҳудудида жорий йилда саккизта кўпмиллатли ўқув машғулотлари ўтказиш кўзда тутилган. Машғулотларда 21 мингга яқин украиналик ва 11 мингга яқин хорижлик ҳарбийлар қатнашади.

Жумладан, машғулотларда АҚШ, Руминия, Британия, Польша ҳарбийлари иштирок этади.

Бундан ташқари, ҳужжатдан украиналик ҳарбийларнинг мамлакат ташқарисида ўтказиладиган 17та ўқув машғулотларида қатнашиш режаси ўрин олган.