Қўшимча функционаллар
-
Тунги кўриниш
Президент: Картошкани ҳалигача катта ҳажмда импорт қиляпмиз, ер ажратилган, аммо ҳосилдорлик паст
Бош вазир ўринбосари Шуҳрат Ғаниев, қишлоқ ва сув хўжалиги вазирлари ҳамда бошқа мутасаддилар Наманганда бўлиб турган президентга агросаноат лойиҳаларини тақдим қилди.
Лойиҳалар билан танишар экан, Шавкат Мирзиёев картошкачиликни ривожлантиришга алоҳида тўхталди, дея хабар бермоқда Kun.uz мухбири.
«Картошкани ҳалигача жуда катта ҳажмда импорт қиляпмиз. 1,8 млн тоннага эҳтиёжимиз бор, шунга яраша ер ҳам ажратилган, аммо ҳосилдорлик паст.
Илмий ёндашув йўқлиги туфайли энг оддий экинни ҳам кўнгилдагидек етиштира олмаяпмиз. Қишлоқ хўжалиги вазири Жамшид Хўжаевга топшириқ – картошкачилик бўйича жиддий шуғулланиш, ҳосилдорликни кўтариш керак. Алоҳида коллежларни ана шу йўналишда илмий марказларга айлантириш, Венгрия давлати билан бу борадаги ҳамкорликни кенгайтириш зарур.
Алоҳида қарор, зарур маблағ бўйича ҳаммасини ҳал қилиб бераман», – деди Янгиқўрғон туманидаги тақдимотда давлат раҳбари.
Мавзуга оид
20:13 / 14.02.2025
Фермерлар минимал нархда шартнома тузишга мажбурланяпти. Соҳадаги ислоҳот қаршиликка учрамоқда
16:47 / 30.01.2025
Ўзбекистон 2027 йилдан картошкага эҳтиёжини тўлиқ ўзи қопламоқчи
17:09 / 24.09.2024
“Ҳамма фермер имзо қўйиб бериши керак” — пахта етиштирувчилар нархни туширишга мажбурланмоқда
10:16 / 21.05.2024