«10 йилда 14 марта кўчдим» – Тошкентдаги ижара муаммоси

 Бир вақтлар хорижда жуда кўпчилик ижарада яшаши, ҳатто ижара уйда туғилиб, вафот этганлар борлиги ҳақида эшитиб, ҳайратланардик. Бу жараён аста-секин Ўзбекистонга ҳам кириб келмоқда. Йирик шаҳарларда, айниқса пойтахт Тошкентда ижарада яшовчилар сони кун сайин кўпайиб боряпти. Афсуски, таклиф талабни қондира олмаяпти ва ижара баҳоси кун сайин ошиб, даромаднинг катта қисмини олиб кетмоқда. Ҳатто пандемия даври ҳам ижара бозорига деярли таъсир қилмади.