Қўшимча функционаллар
-
Тунги кўриниш
Япония Токио Олимпиадасини хорижлик томошабинларсиз ўтказишга қарор қилди
Бу масала ўтган ҳафтада Япония ҳукумати вакилларининг Халқаро олимпия ва паралимпия қўмиталари вакиллари билан ўтказган онлайн учрашувида кўтарилганди.
Япония бу йил ёзда Токио шаҳрида бўлиб ўтадиган Олимпиада ўйинларини хорижлик томошабинларсиз ўтказишга қарор қилди. Бу ҳақда Киодо агентлиги хабар бермоқда.
Бу масала ўтган ҳафтада Япония ҳукумати вакилларининг Халқаро олимпия ва паралимпия қўмиталари вакиллари билан ўтказган онлайн учрашувида кўтарилганди.
Хабарда айтилишича, бу борадаги расмий қарор ҳукумат ва Халқаро олимпия қўмитаси вакилларининг келаси ҳафтада бўлиб ўтадиган учрашувида расман қабул қилинади.
NHK телеканалининг хабар беришича, 25 март куни Японияда олимпия машъаласи эстафетасининг бошланиш маросими ҳам томошабинларсиз ўтиши мумкин.
Ёзги Олимпиада ўйинлари 2020 йил 23 июлдан 8 августгача Токиода бўлиб ўтиши лозим эди, аммо коронавирус пандемияси сабабли ўйинлар 2021 йилга қолдирилганди. Олимпиада шу йилнинг 23 июлидан 8 августигача, Паралимпиада эса 24 августдан 5 сентябргача ўтказилиши режалаштирилган.
Токио Олимпиадаси
Мавзуга оид
20:59 / 16.04.2025
Ҳар йили декабрда «Президент Олимпиадаси» ўтказилади
21:21 / 06.04.2025
Аллергия белгиларини енгиллаштиришга ёрдам берадиган табиий модда аниқланди
13:04 / 04.03.2025
Японияда дунёдаги энг кичик боғ мавжуд: унинг майдони ярим метрдан кам
10:54 / 09.12.2024