Арманистон президенти қароргоҳи яқинида намойишчилар ва полиция ўртасида тўқнашувлар бўлиб ўтди

Арманистон президенти қароргоҳи яқинида мамлакат бош вазири Никол Пашиняннинг истеъфосини талаб қилаётган намойишчилар ва полиция ўртасида тўқнашувлар бошланди.

Хабар қилинишича, полиция ходимлари намойишчиларни президент қароргоҳи яқинидан узоқлаштиришга уринмоқда, қўлга олинганлар бор. 

Аввалроқ Пашинян Армен Саркисян билан ички сиёсий инқироздан чиқиш йўлини муҳокама қилиш учун президент маъмуриятига келганди.

Арманистонда мухолифат Никол Пашиняннинг истеъфосини талаб қилиб бир неча ойдан буён намойишлар ўтказмоқда. Бунга ўтган йили Арманистон Тоғли Қорабоғда тинчлик ўрнатиш мақсадида Озарбойжон билан келишув имзолагани сабаб бўлди. Мухолифат мамлакат бош вазирини хоинликда айбламоқда.