Тожикистонда болалар полиомиелити авж олгани сабаб фавқулодда ҳолат эълон қилинди. Ўзбекистонда бу касалликни назорат қилиш кучайтирилди

Жаҳон соғлиқни сақлаш ташкилоти (ЖССТ) Тожикистонда ўткир юқумли полиомиелит касаллиги (болалардаги мия ярим фалажи) тарқалаётгани ҳақида баёнот берди. 18 март ҳолатига кўра, у ерда асаб тизимини фалаж қиладиган хасталикни юзага келтирувчи поливирус (сПВВП2) билан 4 нафар бола зарарлангани аниқланган. Шунингдек, беморлар билан мулоқотда бўлган бир қатор кишиларда ҳам поливирусга чалиниш ҳолатлари аниқланган.