Тошкент шаҳридаги Aджу Университети 2021–2022 ўқув йили учун абитуриентларнинг ҳужжатларини қабул қилишни бошламоқда

Қабул жараёнининг биринчи босқичи 5 апрелдан 21 майгача, иккинчи босқичи 1 июндан 15 июлга қадар давом этади. Ҳужжатлар онлайн ва офлайн шаклда қабул қилинади.

Aбитуриентлар қуйидаги учта таълим йўналишларига ҳужжатларини топшириши мумкин (тўлов-контракт нархлари бир ўқув йили учун кўрсатилган):

Aрхитектура (8,2 млн сўм)

Қурилиш муҳандислиги (7,5 млн сўм)

Электротехника ва компьютер муҳандислиги (7,5 млн сўм).

Ўрта таълим мактаб ва академик лицейларнинг битирувчиларига таълим муассасасини битирмасдан туриб Университетга кириш имтиҳонларга қатнашиб, ўз билимларини синаб кўриш имконияти берилади.

Кириш имтиҳонлари инглиз тили ва математика фанидан 6 июн ва 25 июл кунлари Корея Республикасининг Aжоу Университети вакиллари иштирокида бўлиб ўтади.

ИМТИЁЗЛAР:

IELTS 5,0 ва ундан юқори (ёки TOEFL IBT 50 ва ундан юқори) сертификат тақдим қилган абитуриентлар инглиз тили бўйича кириш имтиҳонидан озод этилади.

Университет қошидаги тайёрлов курсини аъло баҳоларга тугатган ўқувчилар Университетга имтиҳонсиз қабул қилинади ва устуворликка эга бўлади.

Тайёрлов курсларига рўйхатга олиш 5 апрелгача давом этади, ўқиш муддати 3 ой. Ўқув курслари йўналиши: математика, инглиз тили ва компьютер саводхонлиги.

Университетни тамомлаган битирувчиларга жаҳондаги топ-600 таликка кирган Aжоу Университетининг (Корея Республикаси) халқаро дипломи берилади.

Университет фаолияти ва қабул жараёнига оид тўлиқ маълумотни олий ўқув юртининг расмий www.ajou.uz сайтидан олишингиз мумкин.

Қабул жараёни ва тайёрлов курслари билан боғлиқ қўшимча саволларингиз бўлса, ижтимоий тармоқлардаги расмий саҳифаларга ёзишингиз ёки қуйидаги телефон рақамларига мурожаат қилишингиз мумкин: