Германия Россия билан «Спутник V» вакцинасини етказиб бериш бўйича музокара олиб боради

Германия Россия билан «Спутник V» вакцинасини етказиб бериш бўйича музокара олиб боради. Бу ҳақда ГФР соғлиқни сақлаш вазири Йенс Шпан маълум қилди.

Аммо бунинг учун дастлаб вакцина Европа дори воситалари агентлиги (EMA) томонидан маъқулланиши лозим, деб қўшимча қилди у.

Вакцина Германияга яқин 2–5 ой ичида етказилиши керак, чунки бу муддатдан сўнг Германия ўзини етарлича миқдордаги вакцина билан таъминлай олади, деб таъкидлади Шпан. 

Ҳозирда ЕМА Россия вакцинасини текширувдан ўтказмоқда. Бавария федерал ери ҳукумати эса «Спутник V» ЕИда рўйхатга олинмасдан туриб 2,5 млн доза вакцина сотиб олишга ариза бериб бўлган.

Германияда коронавирус юқтирганлар сони 2,93 млн кишига етган, улардан 77,7 минг нафари вафот этган.