Шимолий Корея баллистик ракета ташийдиган сув ости кемаси қурилишини якунлади - Yonhap

Шимолий Кореяда сув сиғимдорлиги 3 минг тоннани ташкил қилувчи янги сув ости кемаси қурилиши якунланди. Бу ҳақда АҚШ ва Жанубий Корея разведкалари маълумотларига таяниб Yonhap ахборот агентлиги хабар берди.

Фото:Yonhap

ОАВ маълумотларига кўра, Пхенян АҚШга босимни кучайтириш мақсадида янги кемасини намойиш қилиш учун қулай фурсатни кутмоқда.

Кеманинг намойиши вақтида ундан “Пуккиксон-3” каби баллистик ракета учирилиши мумкин.

2019 йилда ОАВда Шимолий Корея 3та баллистик ракета таший оладиган янги сув ости кемасини қураётгани маълум қилинганди. Ўшанда кема Япон денгизидан ташқарига - Тинч океанига чиқа олса, у ердан АҚШнинг Гуам ва Ҳавайи оролларига зарба бериши мумкинлиги хабар қилинган.