«Ўқувчиларга ҳижобда эмас, рўмолда келиш мумкинлиги тушунтирилди» — Наманган вилоят ИИБ интернетда тарқалган сурат бўйича изоҳ берди

Бир неча кун аввал ижтимоий тармоқларда бир гуруҳ рўмол ўраган ўқувчи қизлар Ички ишлар органлари ходимаси қаршисида тик тургани акс этган сурат тарқалди. Ижтимоий тармоқ фойдаланувчилари расмлар давлат ташкилотларининг расмий сайтларида ўқувчилар «ҳуқуқбузарлик содир этишга мойил бўлган вояга етмаган ўқувчи қизлар» дея эълон қилингани, кейинчалик ўчириб юборилганидан хавотирларини билдиришган.