Қўшимча функционаллар
-
Тунги кўриниш
Гурбангули Бердимуҳаммедов ўғлига «Туркманистонда хизмат кўрсатган ит боқувчиси» фахрий унвонини берди
Фото: turkmenportal.com
Туркманистон президенти Гурбангули Бердимуҳаммедов ўз ўғли, Бош вазир ўринбосари, Олий назорат палатаси раиси ва «Туркмен Алабай» Халқаро ассоциацияси раҳбари Сердар Бердимуҳамедовни «Туркманистонда хизмат кўрсатган ит боқувчиси» унвони билан тақдирлади.
Давлат раҳбарининг бу ҳақдаги фармони 21 апрел куни имзоланди, дея хабар берди Туркманистон телевидениесининг «Ватан» янгиликлар дастури.
Фахрий унвон Сердар Бердимуҳамедовга «Туркманистон мустақиллиги йилларида замонавий дунё илм-фан ютуқларидан фойдаланган ҳолда, дунё миқёсида Алабайнинг шон-шарафини ошириб, тизимни парвариш қилиш ва кўпайтиришда эришган улкан ютуқлари учун» берилган.
Сердар Бердимуҳамедовга бу ҳақда кўкрак нишони ва сертификат топширилган.
Маълумот учун, Туркманистонда президент Бердимуҳамедов ташаббуси билан алабай ити шарафига байрам куни жорий қилинган.
Туркман алабай байрами апрел ойининг ҳар сўнгги якшанбасида Миллий ахалтекин оти куни билан бирга нишонланади.
Мавзуга оид
14:25 / 08.05.2025
Ўзбекистон ва Туркманистон товар айирбошлаш ҳажмини 2 млрд долларга етказишга келишиб олди
17:26 / 29.04.2025
Туркманистон президенти Очилбой Раматов билан учрашди
18:14 / 24.04.2025
Шавкат Мирзиёев ва Гурбангули Бердимуҳамедов биргаликда дарахт экиб, «Замонлар садоси» кўргазмаси билан танишди
14:31 / 24.04.2025