Гулистонда бир кунда ниқобсиз юрган 210 нафар шахс жаримага тортилган

Фото: KUN.UZ

Сирдарё вилояти маркази Гулистон шаҳрида бир кунда жамоат жойларида ниқобсиз юрган 210 нафар шахс жаримага тортилган. Бу ҳақда вилоят ИИБ ахборот хизмати хабар бермоқда.

Маълум қилинишича, 4 май куни биргина Гулистон шаҳрида профилактика инспекторлари томонидан карантин қоидаларини бузиш билан боғлиқ 210та маъмурий ҳуқуқбузарлик ҳолати аниқланган. Жамоат жойларида тиббий ниқобсиз ҳаракатлангани учун фуқаролар маъмурий жавобгарликка тортилган.

«Ҳурматли сирдарёликлар, карантин чекловларини бузганлик учун жавобгарлик тўғрисида яна бир бор огоҳлантирамиз!

Эслатиб ўтамиз, жамоат жойларида ниқобсиз бўлиш 1 225 000 сўм жарима билан жазоланади», дейилади хабарда.