Жиззах вилоятининг учта туманида ИИБ бошлиғи лавозимига тайинлов амалга оширилди

Фото: KUN.UZ

Ўзбекистон Республикаси Ички ишлар вазирининг буйруғи билан Жиззах вилоятининг Арнасой, Янгиобод ва Бахмал туманлари ички ишлар бўлимларига янги бошлиқ тайинланди. Бу ҳақда вилоят ИИБ томонидан маълум қилинди.

Подполковник Рустам Умматқулов – Арнасой тумани ИИБ бошлиғи лавозимига тайинланди. Р.Умматқулов тайинловга қадар Янгиобод тумани ИИБ бошлиғи лавозимида фаолият юритган.

Подполковник Музаффар Сариқулов - Янгиобод тумани ИИБ бошлиғи лавозимига тайинланди. М.Сариқулов тайинловга қадар Арнасой тумани ИИБ бошлиғи лавозимида фаолият юритган.

Подполковник Аслиддин Жалолов - Бахмал тумани ИИБ бошлиғи лавозимига тайинланди. А.Жалолов тайинловга қадар Мирзачўл тумани ИИБ бошлиғи лавозимида фаолият юритган.

Тайёрлаган: Kun.uz Admin

#тайинлов #Жиззах вилояти ИИБ