Қўшимча функционаллар
-
Тунги кўриниш
АҚШ Афғонистондан олиб чиқилаётган техниканинг бир қисмини йўқ қилиб юборади
Қўшинларни олиб чиқиш давомида АҚШга жўнатилмайдиган ва Афғонистон хавфсизлик кучларига берилмайдиган ҳарбий техника йўқ қилиб юборилади.
Associated Press ахборот агентлигининг хабар беришича, ортга жўнатилаётган АҚШ ҳарбий техникасининг катта қисми «қолдиришга мўлжалланмаган қимматли қурилмалар» ҳисобланади. Бу ҳақда агентликка номаълум бўлиб қолишни истаган америкалик амалдорлар маълум қилган.
Уларнинг таъкидлашича, бошқа қимматбаҳо техника, жумладан, вертолётлар, қурол ва ўқ-дорилар Афғонистон мудофаа ва хавфсизлик кучларига топширилади. Афғон ҳукумат кучларига, шунингдек, бир нечта база тақдим этилади.
Бундан ташқари, ёмон ҳолати сабабли таъмирлаб бўлмайдиган қурилма ва транспорт воситалари ҳам йўқ қилинади.
Америкалик ҳарбийларнинг маълум қилишича, ҳозирги кунга келиб 1,3 мингта техника йўқ қилинган. АҚШ ҳарбийлари олиб чиқиб кетиладиган сўнгги муддат – 11 сентябргача янада кўпроқ техникани йўқ қилиш режалаштирилган.
Апрел охирида АҚШ ва НАТО қўшинлари «Толибон» билан тузилган келишувга кўра, Афғонистонни тарк эта бошлади. Қўшинларни 2021 йил 11 сентябргача тўлиқ олиб чиқиб кетиш кўзда тутилган.
АҚШнинг Афғонистондан кетиши
Мавзуга оид
08:51 / 04.06.2026
Кувайт аэропортида Эроннинг дрон зарбаси оқибатида 1 киши вафот эди, ўнлаб инсонлар жароҳатланди
15:12 / 26.05.2026
Наркожиноятда айбланиб, қидирувда бўлган ўзбекистонлик АҚШдан депортация қилинди
11:00 / 28.05.2025
АҚШ дунё бўйлаб хорижий талабалар учун виза суҳбатларини тўхтатмоқда
09:03 / 28.05.2025