Поп — Наманган — Андижон темир йўл линияси поездлар ҳаракати учун вақтинча тўхтатилади   

Поп — Наманган — Андижон темир йўл линиясини электрлаштириш объектидаги Наманган — Чортоқ бекатлари оралиғидаги кўприк қайта таъмирланиши сабабли жорий йил 17 майдан 7 июнгача қурилиш монтаж ишлари олиб борилади. Ушбу вақт оралиғида юк ва йўловчи поездлар ҳаракати вақтинча тўхтатилади.

Бу ҳақда Андижон вилояти транспорт бошқармаси ахборот хизмати хабар бермоқда.

Тошкент — Наманган — Андижон йўловчи поездлар қатнови Тошкентдан Наманган бекатигача ҳамда Қўқон — Наманган — Андижон шаҳарлараро қатновчи электропоезд Наманган бекатигача амалга оширилади.

Юк ва йўловчи ташиш поездларининг йўналиши Поп — Қўқон — Марғилон — Андижон йўналиши бўйича ташкил этилади.