Самарқандда яна бир ОТМ ташкил этилди

Ҳукуматнинг тегишли қарори билан Самарқанд давлат университетининг Каттақўрғон филиали ташкил этилди.

Маълум қилинишича, қарорга кўра:

• Филиалда таълим фаолияти 2021/2022 ўқув йилидан бошланади;
• Самарқанд вилояти, Каттақўрғон шаҳар, Амир Темур кўчаси, 27-уй манзилида жойлашган собиқ Самарқанд давлат чет тиллар институти ҳузуридаги 2-сон академик лицейининг бино ва иншоотлари филиалга оператив бошқарув ҳуқуқи асосида бепул берилади;
• Келгуси йилларда филиал учун қўшимча ўқув биноси, 2 та талабалар турар жойи бинолари, спорт иншооти қурилади;
• Самарқанд вилояти ҳокимлиги филиал фаолиятини самарали ташкил этиш мақсадида фаолият юритиш учун жалб этиладиган малакали профессор- ўқитувчиларни белгиланган тартибда хизмат уйлари билан таъминлайди.

Маълумот учун, 2020 йил 4 июнь куни норматив-ҳуқуқий ҳужжатлар лойиҳалари муҳокамаси портали regulation.gov.uz’да Вазирлар Маҳкамасининг Самарқанд вилоятида юқори малакали кадрлар тайёрлаш тизимини кенгайтириш ва янада такомиллаштириш чора-тадбирлари тўғрисидаги ID-18502-сонли қарори лойиҳаси муҳокама учун жойлаштирилган эди.

«Ургут» эркин иқтисодий зонаси янада кенгайтирилади, СамДУнинг Ургут филиали очилади

СамДУнинг Каттақўрғон филиали ва Транспорт университетининг Каттақўрғон филиали ташкил этилади