Беларусь Канададаги элчихонасини ёпишга қарор қилди

Беларусь Канададаги элчихонасини ёпишга қарор қилди. Элчихона 2021 йил 1 сентябрдан ўз фаолиятини тўхтатади.

Беларусь ташқи ишлар вазири Владимир Макей

6 апрелда Беларусь ҳукуматининг йиғилишида президент Александр Лукашенко мамлакатнинг элчихоналари ҳамда дипломатик миссиялари ходимлари сонини оптималлаштиришни таклиф қилган. Ўшанда Беларусь ташқи ишлар вазири Владимир Макей Беларуснинг фаолияти зарур ташқи иқтисодий ресурсларни келтирмаётган дипломатик ваколатхоналари ёпилишини маълум қилган.

Куздан беларусликлар мамлакатнинг Нью-Йоркдаги бош консулхонаси хизматларидан фойдаланишларига тўғри келади.

Беларусь ташқи ишлар вазирлиги сайтида маълум қилинишича, “Беларусда 2020 йил августда ўтган президент сайловлари натижаларининг танқидий баҳоланиши ва ундан кейинги воқеалар расмий Оттава томонидан Беларуснинг мансабдор шахслари, жумладан, мамлакат раҳбарига нисбатан санкциялар киритишига сабаб бўлган”. Минск жавоб чораси сифатида Канаданинг баъзи расмий шахсларининг Беларусга киришини чеклаб қўйган.

Айни вақтда Беларусь манфаатларини хорижда 58та давлатдаги 70та ваколатхона билдиради.

Тайёрлаган Шуҳрат Раҳимов

#Канада #Беларусь

Минскда Nexta мухолифатчи Telegram-канали собиқ муҳаррири Роман Протасевич қўлга олинди. У учаётган самолёт бомба ҳақидаги хабар туфайли Беларусга фавқулодда қўндирилди. Қўниш ҳақидаги қарорни Лукашенконинг шахсан ўзи «Европани ҳимоя қилиш» учун қабул қилган