Мактаб директори ваъдасини бажарадими? 

Навоий вилоятининг Кармана туманидаги 31-умумий ўрта таълим мактаби директори Қаҳҳор Халилов таълим даргоҳида ўтказилган «Сўнгги қўнғироқ» тадбирида кутилмаган ваъда берди.

Навоий вилояти ХТБ ахборот хизматига кўра, ота-оналар, маҳалла фаоллари иштирок этган тадбирда мактаб директори олий ўқув юртларига ўқишга кирган барча битирувчиларнинг 50 фоиз контракт пулини ўз ҳисобидан тўлашни, давлат гранти асосида ўқишга кирганларга эса 1 млн сўмдан мукофот пули беришини маълум қилган.

Маълумот учун, Навоий вилоятидаги мактабларни жорий ўқув йилида 12 941 нафар битирувчи тамомлаган. Уларнинг 285 нафари мактабни олтин, 42 нафари эса кумуш медаль билан якунлаган.