BMW Хитойда электромобилларни қувватлантиришга мўлжалланган 360 мингта станция қуради

Маълумотларга кўра, Хитойда 2020 йилда 1,2 млн дона электромобил сотилган.

Фото: Reuters

Германиянинг BMW автоконцерни Хитойда электромобилларни қувватлантиришга мўлжалланган 360 мингта станция қуришни режалаштирди. Бу ҳақда автоконцерннинг Хитойдаги бош директори Йоҳен Голлер маълум қилди.

Унинг сўзларига кўра, 2023 йилга бориб компаниянинг Хитойда электромобиллар сотувидаги улуши 25 фоизни ташкил этади.

Маълумотларга кўра, Хитойда 2020 йилда 1,2 млн дона электромобил сотилган.

Ўтган йили эълон қилинган стратегияга кўра, Хитой 2060 йилга бориб атроф-муҳитга зарарли чиқиндилар умуман чиқарилмайдиган мамлакатга айланиши лозим. 2025 йилга бориб мамлакатда электромобиллар сотуви улуши ҳозирги 5 фоиздан 20 фоизга етказилиши керак.