Қўшимча функционаллар
-
Тунги кўриниш
АҚШ вице-президентининг Лотин Америкасига учган самолёти носозлик сабаб ортга қайтди
Фото: Reuters
Бортида АҚШ вице-президенти Камала Ҳаррис бўлган самолёт Лотин Америкасига парвоз вақтида техник носозлик сабаб Мэриленд штатидаги Эндрюс авиабазасига қайтишга мажбур бўлди. Бу ҳақда Ҳарриснинг расмий вакили Симона Сандерсга таяниб CNN телеканали хабар берди.
Самолёт авиабазага қўнгандан бир соатча ўтиб Ҳаррис бошқа самолётда белгиланган манзилга учиб кетган. Носозлик сабаби маълум қилинмаган.
Ҳаррис АҚШ вице-президенти сифатида илк хорижий сафарини амалга оширмоқда. У тўхтайдиган биринчи давлатлар Гватемала ва Мексика бўлади.
2020 йил сентябрда АҚШнинг собиқ вице-президенти Майк Пенс самолёти Гилфорд шаҳридан (Нью-Ҳэмпшир штати) Вашингтонга қайтаётганда қуш билан тўқнашиб кетган. Бунинг оқибатида самолёт ортга қайтишига тўғри келган. Кейинроқ Пенс Вашингтонга юк самолётида учиб кетган.
Мавзуга оид
14:01 / 15.11.2024
Лавров самолётига хорижда ёнилғи қуйишдан бош тортишаётганидан шикоят қилди
21:10 / 10.11.2024
Тошкентдан Жиддага учган самолёт ортга қайтишга мажбур бўлди
21:49 / 08.11.2024
Ишчилар синфи исёни ёки муваффақиятсиз кампания? Ҳаррис сайловда нега ютқазди?
22:15 / 07.11.2024