Испанияда кўчада ниқоб тақиш режими бекор қилинади

Испанияда 26 июндан кўчада ниқоб тақмасдан юришга рухсат берилди. Бу ҳақда мамлакат бош вазири Педро Санчес маълум қилди, деб хабар бермоқда El Pais нашри.

«Шанба, 26 июндан бошлаб очиқ ҳавода ниқоб тақиш мажбурий бўлмайди», — деди Санчес.

Испанияда 3,7 миллиондан ортиқ киши коронавирус юқтирган, 80,6 минг бемор вафот этган. Охирги суткада касаллик юқтириш билан боғлиқ 4197та янги ҳолат қайд этилган.

Аввалроқ Франция ва Австрияда чеклов чоралари енгиллаштирилганди.