“Абдулла Қодирий боғи чиқиндихонага айланган” — Экопартия

Қатор танқидий мақолалар ортидан, Ўзбекистон Экологик партияси Тошкент боғларидаги қуриётган дарахтлар бўйича рейд бошлади. Дастлабки рейдда шаҳар марказидаги Абдулла Қодирий боғи чиқиндихонага айлангани, инвесторларга берилган лотларда дарахтлар қуриб ётгани аниқланди ва қонуний чора кўриш талаб қилинди. Партия вакилининг Kun.uz'га билдиришича, Яшнободдаги “дарахтлар қабристони” айбдорлари ҳам бунинг учун “жавоб беради”.