Исландия Европада биринчи бўлиб барча карантин чекловларини бекор қилмоқда

Мамлакат аҳолисининг 87 фоизи коронавирусга қарши вакцинанинг биринчи дозасини қабул қилган.

Исландия ҳукумати коронавирус тарқалиши сабабли жорий этилган барча карантин чораларини бекор қилмоқда. Бу ҳақда Reuters хабар берди.

Мамлакат соғлиқни сақлаш вазири Свандис Сваварсдоттирнинг сўзларига кўра, Исландия карантин чоралари бекор қилинган Европадаги биринчи давлат бўлади.

Унинг маълум қилишича, чекловлар 26 июндан бекор қилинади.

Маълумотларга кўра, мамлакат аҳолисининг 87 фоизи коронавирусга қарши вакцинанинг биринчи дозасини қабул қилган.

Пандемия бошланганидан буён Исландияда 6637 киши касалликка чалинган, 30 киши вафот этган.

Тайёрлаган Дилшод Аскаров

#Исландия #карантин

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.