Ўрта Чирчиқ туманидаги корхоналардан бирида ёнғин келиб чиқди

Тошкент вилояти Ўрта Чирчиқ туманида жойлашган корхонлардан бирида ёнғин содир бўлган. Бу ҳақда ФВВ ахборот хизмати хабар бермоқда.

Маълум бўлишича, 29 июнь куни соат 21:58 да Тошкент вилояти Фавқулодда вазиятлар бошқармасига Ўрта Чирчиқ тумани “Тинчлик” МФЙ, Мунаввар кўчасида жойлашган "BARAKA DEKOR" МЧЖ да ёнғин содир бўлаётганлиги тўғрисида хабар келиб тушган.

Шунга кўра, бошқарма ёнғин-қутқарув экипажлари соат 22:07 да воқеа жойига етиб бориб, соат 23:01да ўраб олиниб, 23:14 да ёнғин батамом ўчирилган.

«Ҳодиса оқибатида жабрланганлар ва ҳалок бўлганлар йўқ. Ҳозирда ёнғин сабаби ва келтирилган зарар миқдори аниқланмоқда»,  дейилади хабарда.