Google смартфондан Facebook аккаунти паролини ўғирлайдиган иловаларни ўчириб ташлади

Бу иловалар олти миллион мартага яқин кўчириб олинган.

Фото: Unsplash

Google Play Store маъмурияти иловалар дўконидан тўққизта оммабоп иловани ўчириб ташлади. Компания мазкур иловалар Facebook аккаунти паролини ўғирлашини билганидан сўнг шундай қарорга келди, деб ёзади Engadget.

Қайд этилишича, бу иловаларнинг зарарли хусусиятини Doctor Web компанияси мутахассислари аниқлаган.

Компания мазкур иловалар рўйхатини ҳам маълум қилган: Processing Photo, App Lock Keep, Rubbish Cleaner, Horoscope Daily, Horoscope Pi, App Lock Manager, Lockit Manager, Inwell Fitness, PIP Photo.

Бу иловалар олти миллион мартага яқин кўчириб олинган. Бундан ташқари, уларнинг аксарияти фойдаланувчиларнинг юқори баҳоларига сазовор бўлган.