Қўшимча функционаллар
-
Тунги кўриниш
Бухоро вилояти Соғлиқни сақлаш бошқармаси бошлиғи ўзгарди
Бухоро вилояти Соғлиқни сақлаш бошқармаси бошлиғи Ғофур Саидов саломатлиги ёмонлашгани сабабли лавозимни тарк этди. Бу ҳақда вилоят ҳокими ўринбосари Мирали Ҳамроев ўтказган йиғилишда маълум қилинди.
Бухоро вилояти ССБ матбуот хизмати хабарига кўра, 2021 йилнинг 10 июль куни бошқармада вилоят ҳокими ўринбосари иштирокида йиғилиш бўлиб ўтган. Йиғилишда Мирали Ҳамроев Ғафур Саидовнинг саломатлиги туфайли ишдан бўшаётгани ҳақидаги соғлиқни сақлаш вазирининг буйруғини ўқиб эшиттирган.
Вилоят Соғлиқни сақлаш бошқармаси бошлиғи вазифасини вақтинча бажарувчи этиб, айни дамгача бошқарма бошлиғининг биринчи ўринбосари лавозимида ишлаб келган Асқар Солиевич Баҳронов тайинланган.
Ғафур Нормуродович Саидов Республика ихтисослаштирилган онкология ва радиология илмий-амалий тиббиёт маркази Бухоро филиали директори лавозимига ўтказилган.
У 2020 йилнинг июль ойида вилоят соғлиқни сақлаш бошқармаси бошлиғи лавозимига тайинланишидан олдин ҳам филиал директори лавозимида ишлаганди.
Мавзуга оид
11:49 / 25.10.2024
Бухоро вилояти ССБга янги раҳбар тайинланди
11:34 / 08.10.2024
Бухорода икки ишчи ток уриши оқибатида ҳалок бўлди
17:13 / 12.08.2024
Муқобил энергия манбаларидан фойдаланишни рағбатлантириш бўйича топшириқлар берилди
16:34 / 21.07.2024