Токиода Олимпиада ўтказилишига қарши намойишлар бошланди

Намойишчилар кўчалар бўйлаб юриб, “Олимпиадани тўхтатинг” деб ҳайқиришган ва “Олимпиадага йўқ” ҳамда “Олимпиадани бекор қилинг, ҳаётларни сақлаб қолинг” деб ёзилган плакатларни кўтариб боришган.

Жумладан, улар Олимпиада очилиши маросими ўтадиган янги миллий стадион олдида тўпланишган.  

Намойишлар бориши ортидан полициячилар кузатиб борган. Улар намойишчиларни тарқатиб, стадион атрофини ўраб олишган.

Аввалроқ Токиода Олимпиада бошланиши арафасида коронавирусга чалиниш бўйича ярим йиллик антирекорд қайд қилинди. Япония пойтахтидаги эпидемиологик вазият жадал суръатларда ёмонлашмоқда.