Бир вилоятда ўн минглаб «столба» авария ҳолатида. Симёғочлар монополияси тизимнинг «сеҳрли таёқчаси»ми?

Бугунги кунда Ўзбекистонда электр энергиясини сифатли тарзда аҳолига етказиб бериш энг оғриқли масалалардан бири экани шубҳасиз. Умуман, йиллар ортидан йиллар ўтяптики, тизимдан аҳоли рози бўлмаяпти, мўътадиллик йўқ. Соҳада аҳоли ва бизнес вакилларининг энг оддий эҳтиёжларини-да қондириб бера оладиган даражадаги жиддий ислоҳот кузатилмади. Kun.uz электр энергияси таъминотидаги муаммоларга сабаб бўлаётган муаммоларнинг бир бўлаги бўлган – симёғочлар масаласига Самарқанд вилояти мисолида эътибор қаратди.