Буюк Британияда коронавируснинг янги мутацияси аниқланди

Маълумот берилишича, мамлакатда бугунга қадар янги штамм билан зарарланиш бўйича 16та ҳолат қайд этилган.

Фото: Getty Images

Англия жамоат соғлиғини сақлаш агентлиги (PHE) мутахассислари коронавируснинг янги мутациясини аниқлади. Унга B.1.621 номи берилди, деб хабар қилди The Mirror.

Маълумот берилишича, мамлакатда бугунга қадар янги штамм билан зарарланиш бўйича 16та ҳолат қайд этилган. Уларнинг барчаси хорижга сафар қилиб қайтганлар билан боғлиқ, деб ёзади нашр.

Ҳозирда мутахассислар янги мутациянинг вирус хусусиятига қандай таъсир қилишини ўрганиш борасида лаборатория тадқиқотлари ўтказмоқда.

Уларнинг сўзларига кўра, мазкур мутация вакцина самарадорлигига қандай таъсир кўрсатиши ҳозирча номаълум.

Дунёда бугунги кунда коронавируснинг "дельта" штамми энг кўп тарқалган.

Тайёрлаган Дилшод Аскаров

#Буюк Британия #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.