Токио Олимпиадасида коронавирус юқтириш билан боғлиқ ҳолатлар сони 123тага етди

Ўтган суткада коронавирус юқтириш билан боғлиқ 17та янги ҳолат қайд этилган.

Фото: Reuters

Токио Олимпиадасида коронавирус юқтирганлар сони 123 кишига етди. Бу ҳақда Олимпиада сайтида хабар қилинди.

Маълумот берилишича, ўтган суткада коронавирус юқтириш билан боғлиқ 17та янги ҳолат аниқланган.

Жумладан, бир нафар спортчи ва икки нафар ходимда касаллик аниқланган. Уларнинг барчаси икки ҳафталик карантин ўтайди.

Чоршанба куни Олимпиада ташкилотчилари спортчилар ва Олимпиадада иштирок этувчи делегация вакилларидан жами 79 кишида коронавирус аниқлангани ҳақида хабар берганди.