Аёллар ўртасида Олимпиадалардаги иштирок бўйича рекордчи спортчи фаолиятини якунлашга қарор қилди

Аёллар ўртасида Олимпиадалардаги иштироклар сони бўйича рекордчи спортчи Нино Салуквадзе Токио Олимпиадасидаги иштирокидан кейин фаолиятини якунлашини эълон қилди. Тўппончадан ўқ узиш йўналишида иштирок этувчи грузиялик спортчи фаолиятидаги тўққизинчи Олимпиадани ўтказмоқда. У ўз қарорини кўриш қобилиятидаги муаммолар билан боғлаган.

“Олимпиадада бошқа иштирок этмайман, Токиодан кейин фаолиятимни якунлайман. Мен ҳозирги юклама билан тўққизта Олимпиадага ҳеч ким бардош бера олмаслигини аниқ биламан. Фаолиятимни тобора оғир бўлаётгани сабабли якунламоқдаман. Маънан, жисмонан ва техник жиҳатдан тайёрман, бироқ кўзим хиралашиб бормоқда”, деб айтган спортчи. У фаолияти учун кўзида жарроҳлик амалиётини ўтказгани, бироқ бу унинг спорт натижаларига таъсир кўрсатмаганини таъкидлаб ўтган. “Бироқ ҳаётда ҳамма нарсани равшан кўраман”, деб қўшимча қилган Салуквадзе.

Спортчи кейинги Олимпиадада мураббий сифатида иштирок этиши мумкинлигини айтган.

Нино Салуквадзе Олимпиадалардаги иштирокини 1988 йилда Сеулда бошлаган ва шундан бери бирорта Олимпиадани ўтказиб юбормаган. У 2016 йилги Рио-де-Жанейро Олимпиадасида ўғли Цотнэ билан бирга иштирок этган. Бу тарихда она ва ўғил бир Олимпиадада иштирок этган биринчи ҳодиса ҳисобланади.