Исроил дунёда биринчи бўлиб коронавирусга қарши учинчи эмлашни маъқуллади

Исроил соғлиқни сақлаш вазирлиги 60 ёшдан катта фуқароларни коронавирусга қарши вакцинанинг учинчи дозаси билан эмлашга рухсат берди. Бу ҳақда Тimes of Israel нашри хабар қилди.

Фото: Getty Images

Таъкидланишича, Исроил аҳолиси ревакцинация қилинадиган дунёдаги биринчи давлатга айланди.

Коронавирусга қарши вакцинанинг учинчи дозасини иккинчи дозани олганига 5 ойдан ошганлар олиши мумкин бўлади. Учинчи доза билан эмлаш 1 августдан бошланади.

Охирги тадқиқотларга кўра, коронавируснинг янги штаммларидан ҳимояланиш учун қондаги антитаначалар миқдори эски штаммлардагига қараганда кўпроқ бўлиши лозим. Организмда антитаначалар миқдорини ошириш йўли бустер, яъни учинчи доза билан эмлаш ҳисобланади.

Мутахассисларнинг таъкидлашича, ревакцинациясиз коронавирус юқтириб олиш хавфи ошади.