Қўшимча функционаллар
-
Тунги кўриниш
Тадбиркорларга 903 миллион сўм нореал қарздорлик ҳисоблаган “Ҳудудгаз Жиззах” филиали ходимларига жиноий иш қўзғатилди
Жиззах вилоятида фаолият кўрсатувчи бир гуруҳ тадбиркорлик субъектлари уларга нисбатан ноқонуний равишда қарздорлик ҳисоблангани ва улар асоссиз газ тармоғидан узилганидан норози бўлиб, Бизнес-омбудсманга мурожаат қилди.
Аниқланишича, “Ҳудудгаз Жиззах” газ таъминоти филиали ходимлари томонидан табиий газ сарфини ҳисобга олувчи “Фосса” дастурига юқоридаги тадбиркорлик субъектлари ҳисобига қарийб 903 миллион сўмлик нореал қарздорлик киритилган.
Ушбу ҳолат юзасидан Бизнес-омбудсман томонидан “Ҳудудгаз Жиззах” газ таъминоти филиали мансабдор шахслари ва бошқаларнинг ҳаракатларига қонуний баҳо бериш ва уларга нисбатан жиноий иш қўзғатиш таклифи вилоят прокуратурасига юборилди.
Бизнес-омбудсманнинг таклифи бўйича терговга қадар текширув ҳаракатлари амалга оширилиб, “Ҳудудгаз Жиззах” газ таъминоти филиали, “Ҳудудгаз Метрология” филиали Жиззах бўлими мансабдор шахслари ва бошқаларга нисбатан Жиноят кодексининг 205-моддаси 2-қисми ва 209-моддаси 1-қисми билан жиноят иши қўзғатилди.
Ҳозирда жиноят иши бўйича дастлабки тергов ҳаракатлари олиб борилмоқда.
Мавзуга оид
17:03 / 22.05.2025
«Абдуназаровни мажбурий келтириш чоралари кўрилмоқда» – ИИБ юк машиналарига доир фирибгарлик ҳақида
20:44 / 21.05.2025
Танзила Норбоева Жиззахда коррупция ҳолатлари бўйича танқидий йиғилиш ўтказди
17:58 / 21.05.2025
Трактордан “Камаз”гача: Жиззахда одамлар кутилмаган усулда чув тушириб кетилмоқда
09:27 / 15.05.2025