Португалияда 12 ёшдан 15 ёшгача бўлган ўсмирларни коронавирусга қарши эмлашга рухсат берилди

Европа регулятори 12 ёшдан катта ўсмирларни Pfizer/Biontech ва Moderna компаниялари вакциналари билан эмлашни тавсия қилган.

Португалияда 12 ёшдан 15 ёшгача бўлган ўсмирларни коронавирусга қарши эмлашга рухсат берилди, деб хабар қилмоқда RTP телерадиокомпанияси.

Статистикага кўра, мамлакатда 12-15 ёшли ўсмирлар 400 минг нафарга яқин.

Португалияда узоқ вақт давомида ўсмирларни эмлаш борасида мунозаралар бўлиб ўтди, охир-оқибат ҳукумат ЕИ ва АҚШдаги тадқиқотлар натижаларига таянган ҳолда ўсмирларга вакцина қўллаш мумкинлиги тўғрисидаги қарорга келди.

Португалияда охирги суткада коронавирус юқтириш билан боғлиқ 1,9 мингта янги ҳолат аниқланди. Пандемия бошланганидан буён касалланганлар сони 988 мингдан ошган, 17 мингдан ортиқ бемор вафот этган.

Тайёрлаган Дилшод Аскаров

#Португалия #вакцина

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.