Президент Фарғона вилояти ҳокимига: «Илоҳим, бошқа касал бўлмагин»

Фарғона вилояти ҳокими Хайрулла Бозоровга сўз берган президент дастлаб ҳол-аҳвол сўради ва ижобий жавоб олганидан кейин шундай деди:

“Сени соғ-саломат кўриб турганимдан хурсандман. Соғайиб кетганинг чин бўлсин. Илоҳим, бошқа касал бўлмагин. Хабаринг бор, мураккаб операциянгни шахсан ўзим назоратга олдим. Олдин бундай операциялар учун одамларимиз чет элларга боришарди. Ўзимизнинг мутахассисларимиз шундай мураккаб амалиётларни бажаришаётгани қувонарли. 

Мен чет элларда ишлаб юрган врачларимизни қайтариш бўйича ишларни давом эттираман. Улар билан кўп мулоқот қиляпман. Тиббиётда муаммоларимиз кўп. Бирламчи тиббиётни ривожлантирмас эканмиз, яхши натижага эриша олмаймиз. "Тадбиркорлар қўллаган ҳоким" деган иборани Фарғона миқёсида кўрсатиб берасизлар”, – деди давлат раҳбари.

Хайрулла Бозоров ҳам давлат раҳбарига миннатдорлик билдирди ва вилоятга оид маълумотларни тақдим қилди.