Избоскан туманида фуқарога ер майдони олиб беришни ваъда қилган фирибгар ушланди

У фуқаро ишончига кириб, 8 сотих ер майдонини олиб бериш учун 15 000 АҚШ доллари олаётганда ушланган.

Фуқаро Д.Т. фуқаро М.нинг ишончига кириб, унга тумандаги “Дарёбўйи” МФЙ ҳудудидан бошқа бир фуқарога ишлаб чиқариш цехи биноси қуриш учун ажратилган 8 сотих ер майдонига турар жой қуриш учун танишлари орқали кадастр ҳужжатларини тайёрлаб беришни ваъда қилган. Эвазига 15 000 АҚШ долларини фирибгарлик йўли билан олган вақтида у ашёвий далиллар билан ушланган (https://t.me/Department_uz/919).

Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.

Аввалроқ, Пахтаобод туманида ер сотмоқчи бўлган фирибгарлар ушлангани хабар қилинган эди.

#фирибгар #ер майдони #Избоскан тумани

Kun.uz янгиликларини Google News'да кузатинг

+ Обуна бўлиш