Хитойда коронавирус тарқалиши тўхтагани маълум қилинди

Хитойда июлдан бери биринчи марта коронавирус хориждан келганлардагина аниқланди. Мамлакат ичида бирорта касалланиш ҳолати қайд қилинмаган.

Бундан аввал Хитойда коронавирус тарқалиши авж олиши 20 июлда қайд қилинганди. Ўшанда вирус Нанкин шаҳри аэропортининг хориждан келган самолётни тозалаган ходимларида аниқланганди. Шундан кейин шаҳарда 1,2 мингтадан кўпроқ касалланиш ҳолати тасдиқланганди. Ҳукумат вирус тарқалишини тўхтатиш учун қатъий локдаун киритганди ва шаҳар билан транспорт алоқасини чеклаганди.

Хитойда касаллик ҳолатлари кўпайиши вируснинг дельта штамми тарқалиши билан боғланганди. Бунинг ортида Уҳан шаҳрининг 11 миллионлик барча аҳолиси коронавирусга текшириб чиқилганди.