«Ўзбекистонда вакцина туфайли бирорта ўлим ҳолати кузатилмади» - Севара Убайдуллаева

Ўзбекистонда вакцина туфайли бирорта ўлим ҳолати кузатилмади. Бу ҳақда АОКАда ўтказилган брифингда Коронавирусга қарши курашиш штаби аъзоси Севара Убайдуллаева маълум қилди.

«Ижтимоий тармоқларда «Вакцина олгандан кейин вафот этди» ёки «Вакцина туфайли аҳволи оғирлашди» қабилидаги видеомурожаатлар юзасидан ишчи гуруҳлар тузилиб, ўрганишлар олиб борилди.

Ўрганишлар бу каби нохуш ҳолатларнинг бирортаси вакцина билан боғлиқ эмаслигини тасдиқлади.

Бугунга кунга қадар Ўзбекистонда вакцина туфайли бирорта ўлим ҳолати кузатилмади», — дея таъкидлади мутахассис.