Медведев «US Open» финалида ғалабага эришиб, Жоковичнинг тарихий рекордни такрорлашига йўл қўймади

Америка очиқ чемпионати - «US Open»да эркаклар ўртасидаги яккалик баҳсларида финал учрашуви бўлиб ўтди. Унда Новак Жокович ва Даниил Медведев кортга чиқди.

Ушбу беллашувда россиялик теннисчи учала сетда ҳам бир хил - 6:4 ҳисобида ғалабага эришди. Ушбу ғалаба орқали Медведев «катта дубулға» турнирларидаги илк титулини қўлга киритди.

Ўз навбатида, Новак Жокович тарихий рекордни такрорлаш имкониятидан мосуво бўлди. Мавсум давомида «Australian Open», «Ролан Гаррос» ва Уимблдон турнирларида ғалабага эришган сербиялик дунёнинг биринчи ракеткаси Америка очиқ чемпионатини ҳам қўлга киритган тақдирда, афсонавий теннисчи Род Лэвернинг 1962 ва 1969 йилларда ўрнатган рекордини такрорлаши мумкин эди.

#US Open

Kun.uz янгиликларини Google News'да кузатинг

+ Обуна бўлиш