АҚШ Эрон, Хитой ва Кувайтнинг бир қатор фуқароларига қарши санкциялар киритди

АҚШ Молия вазирлиги “террорчи тармоқлар” остида Эрон Ислом инқилоби муҳофизлари корпуси ва “Ҳизбуллоҳ”ни назарда тутади. Санкциялар 6 нафар эронликка, 2 нафардан ливанлик ва хитойликка ҳамда 4 нафар кувайтликка қарши киритилган.

Ушбу шахслар юқорида келтирилган ташкилотлар фаолиятини молиялаштиргани, уларга электроника, олтин сотгани ва валютани айирбошлашдаги ёрдами учун санкциялар остига тушган. Санкциялар ушбу шахсларнинг АҚШ банкларидаги активлари музлатилиши, АҚШ компаниялари ва фуқароларига улар билан бизнес юритишни тақиқлашни назарда тутади.