Хитойнинг БМТдаги собиқ элчиси АҚШга ядровий зарба беришга тайёрланиш кераклигини айтди

Ша Цзуканнинг фикрича, биринчи бўлиб ядровий зарба бермаслик тўғрисидаги мажбуриятни қайта кўриб чиқиш вақти келди, чунки АҚШнинг ҳарбий кўлами кенгайиб бормоқда.

Фото: AP

Хитой АҚШ ташкил этаётган янги альянсларга қаршилик қилиш учун ядро қуролини қўллаши лозим. Хитойнинг БМТдаги собиқ элчиси Ша Цзукан ана шундай баёнот билан чиқди, деб хабар берди Daily Mail.

Цзуканнинг фикрича, биринчи бўлиб ядровий зарба бермаслик тўғрисидаги мажбуриятни қайта кўриб чиқиш вақти келди, чунки АҚШнинг ҳарбий кўлами кенгайиб бормоқда.

Дипломатнинг сўзларига кўра, Пекиннинг ҳозирги сиёсати Вашингтоннинг минтақадаги хавфсизликка таҳдид солиши мумкин бўлган сиёсатига муносиб жавоб бўла олмайди.

16 сентябр куни АҚШ, Британия ва Австралия мудофаа ҳамкорлиги тўғрисида келишув тузди. Альянс AUKUS (Австралия, Бирлашган Қироллик, АҚШ) деб номланди. Келишувдан мақсад томонларнинг Ҳинд-Тинч океани минтақасидаги манфаатларини ҳимоя қилишдир.