АҚШда 5 нафар журналистнинг қотили 6 та умрбод қамоқ жазоси олди

АҚШнинг Мэриленд штати суди 2018 йилда 5 нафар журналистни отиб ўлдирган Жеррод Рамосни 6 та умрбод қамоқ жазосига маҳкум этди.

Қотиллик 2018 йил 28 июнда Capital Gazette нашри таҳририятида юз берган. Рамос унинг жиноий ўтмиши ҳақида мақолалар ёзган нашр ходимлари билан бир неча йил давомида судлашган. У ўша куни газета таҳририятига келиб, милтиқдан журналистларни ўққа тутган.

Оқибатда 5 журналист ҳалок бўлган, яна бир неча киши жароҳат олган. Жиноятчи воқеа жойида қўлга олинган ва қамоққа жўнатилган.

2019 йилда Рамос ўзини барча 23 та айблов банди бўйича айбдор деб топган, бироқ ушбу қотиллик учун жавобгар бўла олмаслигини айтган. Бироқ ҳукм чиқарувчилар суди 2021 йил ёзида Рамосни ўз қилмиши учун жавоб бера оладиган даражада шуурли деб топган.

“Судланувчи муддатидан олдин шартли озод бўлиш ҳуқуқисиз 5 та умрбод қамоқ жазосига ҳукм қилинди. У, шунингдек, яна битта умрбод ва 345 йиллик қамоқ жазоси олди”, деб маълум қилинган прокуратурада.