Йўл – машинаники, йўл чети – «эгалик», пиёда қаердан юрсин? Ўзбекистоннинг эгасиз йўллари ҳақида

Бугун Ўзбекистонда кўчаларнинг эгаси йўқ, десак, муболаға бўлмайди. У хоҳ маҳаллий, хоҳ давлат аҳамиятидаги йўл бўлсин чинакамига эгасиз қолган. Гап йўлларни таъмирлаш ёки уларда ҳаракат хавфсизлигини таъминлаш эмас, балки йўл четларининг ноқонуний эгаллаб олинаётгани ва бу ҳолатга мамлакат миқёсида кўз юмиб келинаётгани ҳақида.