Бразилияда нацистларнинг бир неча миллион долларлик буюмлари топилди

Коллекция нацистлар рамзлари, униформалар, Учинчи рейхнинг байроқ ва медаллари каби мингдан ортиқ ашёлардан ташкил топган. Шунингдек, хонадондан ўша даврга оид қурол-яроғлар ва ўқ-дорилар топилган.

Фото: Policia Civil RJ/Handout via REUTERS

Бразилия полицияси Рио-де-Жанейродаги хонадонлардан бирида нацистларнинг миллионлаб долларлик мингдан ортиқ буюмларини топди, деб хабар берди Reuters.

Хабар қилинишича, буюмлар полиция 58 ёшли эркакни вояга етмаганларга нисбатан тегажоқлик қилгани учун ҳибсга олиш мақсадида унинг хонадонига келганида топилган.

Қайд этилишича, у бой инвесторлар оиласидан бўлган.

Ҳисоб-китобларга кўра, топилманинг умумий қиймати бир неча миллион долларга тенг бўлиб, биргина нацистлар униформаси 250 минг доллар туради.

Иккинчи жаҳон урушидан сўнг Жанубий Америка нацист ҳарбийлари ва амалдорлари учун бошпанага айланган. Германия ва Европадан ташқарида энг катта фашистлар партиясига эга бўлган Бразилия урушга қадар мустаҳкам алоқани йўлга қўйган.

#Бразилия #нацистлар