Афғонистондаги масжидлардан бирида содир бўлган портлашда ўнлаб инсонлар ҳалок бўлди

Фото: AP Photo/Abdullah Sahil

Афғонистон шимолидаги Қундуз вилоятида жойлашган масжидлардан бирида портлаш содир бўлди. Бу ҳақда Aamaj News агентлиги хабар бермоқда.

Хабарда айтилишича, шиалар масжидида юз берган ушбу портлаш оқибатида ўнлаб кишилар ҳалок бўлган, юзга яқин инсон жароҳатланган.

Агентлик манбаларининг сўзларига кўра, портлаш масжид ичида содир бўлган.

3 октябрь куни Кобулдаги Идгоҳ масжиди ёнида оломон орасида кучли портлаш содир этилиши оқибатида камида 12 киши ҳалок бўлган, 32 киши жароҳат олганди.