Қашқадарёда маҳалладаги қувурларни ўзлаштирган шахсга жиноят иши қўзғатилди

Ижтимоий тармоқларда Қашқадарё вилояти Деҳқонобод туманида жойлашган маҳаллалардан бирида қувур ўзлаштирилгани ҳақида хабарлар тарқалди. Вилоят ИИБ ахборот хизмати хабар бўйича муносабат билдирди.

Хабарда Деҳқонобод тумани «Завқий» МФЙ Хумдон қишлоғида яшовчи бир гуруҳ фуқаролар маҳаллада томорқа қувурлари ўзлаштириб юборилгани, бу ишни содир этган шахс эса кўчада юргани ҳақида хабар қолдиришган.

Вилоят ИИБ ахборот хизматининг хабар беришича, 2021 йилнинг 20 август куни мазкур иш юзасидан Деҳқонобод туман ИИБ Тергов бўлинмаси томонидан фуқаро Ғ.Э.га нисбатан жиноят иши қўзғатилган. Ҳозирда тергов ҳаракатлари олиб борилмоқда.