Ливияда пул олиб кетаётган вертолёт стадионга қулади

Фото: 218tv.net

Ливия пойтахти Триполидан 80 км узоқликда жойлашган Тархуна шаҳридаги футбол стадионига хусусий вертолёт қулаб тушди. Вертолёт шаҳарга пул етказиши керак бўлган.

“218” телеканалининг хабар беришича, стадион вертолётлар учун учиш-қўниш майдончаси сифатида қўлланган. Вертолёт экипажи аъзолари омон қолган. Улар госпиталлардан бирига зарурий тиббий ёрдам кўрсатиш учун етказилган.

Ҳозирча воқеанинг тафсилотлари ва сабаблари маълум қилинмаяпти.