Зангиотадан Сергелига ўтказилган объектлар сони маълум қилинди

Тошкент вилоятининг Зангиота туманидан Тошкент шаҳрининг Сергели туманига қатор ижтимоий объектлар ўтказилди. Бу ҳақда Кадастр агентлиги Тошкент вилояти бошқармаси хабар бермоқда.

Фото: Kun.uz

Хусусан, ўтказилган объектлар орасида маҳаллалар сони 13 тани ташкил этган бўлса, кўп қаватли турар жойлар – 23 та, кўп қаватли турар жойлардаги хонадонлар – 335 та, якка тартибдаги уй-жойлар – 10 954 тага тенг бўлди.

Бундан ташқари, нотурар жойлар – 535 та, мактаблар – 7 та, мактабгача таълим муассасалари – 5 та, диний муассасалар – 2 та, қабристонлар – 4 та, маданият марказлари – 1 та ва тиббий муассасалар сони 2 тани ташкил қилди.

Қайд этилишича, Зангиота туманидан Сергели туманига ўтаётган аҳолининг доимий яшаш манзили Тошкент шаҳри Сергели тумани этиб белгиланади.