Германияда пичоқ билан қуролланган эркак поездда бир неча йўловчига жароҳат етказди

Бавариянинг Зойбердорф районида ICE поездида пичоқ билан қуролланган эркак бир неча йўловчини жароҳатлади. Бу ҳақда Оберпфалц райони полицияси хабар қилди.

Хабарга кўра, ҳодиса эрталаб Нюрнберг ва Регенсбург шаҳарлари орасида кетаётган тезюрар поездда содир бўлган.

Ҳужум қилган шахс қўлга олинган. Поезд ҳаракати тўхтатилган, йўловчилар манзилларига автобусларда етказилган.

Ҳужум оқибатида уч нафар йўловчи жароҳатланган, икки нафарининг жароҳати жиддийлиги айтилмоқда.