Лукашенко Россиядан бир нечта “Искандер” ракета мажмуаларини олиш ниятидалигини айтди

“Искандер” мажмуалари парвоз тезлиги ва аниқлиги бўйича бошқа ракета мажмуаларидан устун туради.

Фото: ТАСС

Беларусь президенти Александр Лукашенко Россиядан бир нечта “Искандер” оператив-тактик ракета мажмуаси дивизионларини олиш ниятини маълум қилди.

“Менга ғарбий, жанубий йўналишларда бир нечта дивизион керак, турса-турсин. Унинг учиш масофаси 500 километр, бизнинг “Полонез”ники эса 300 километргача”, – деди Лукашенко “Национальная оборона” журналига берган интервьюсида.

The National Interest нашрининг ёзишича, “Искандер” мажмуалари парвоз тезлиги ва аниқлиги бўйича бошқа ракета мажмуаларидан устунроқ, ракетага қарши мудофаа тизимларига чап бера олади ва 680 килограммлик “даҳшатли” жанговар каллакка эга.